2018 оны 2 сарын 2 дугаар арав хоногийн ХААЦУ-ын тойм

Температур: Орхон аймгийн нийт нутгаар агаарын температурын дундаж нь  -14.8...-17.1 градус хүйтэн, үнэмлэхүй их нь -4...-6 градус хүйтэн, үнэмлэхүй бага нь -22...-30 градус хүйтэн байв. Агаарын температур Баян-Өндөр Жаргалант суманд суманд уур амьсгалын дунджийн орчим,  байв. Хөрсний гадаргын дундаж температур -18…-20⁰С, үнэмлэхүй их температур нь 0…-4⁰С хүйтэн, үнэмлэхүй бага температур нь -31...-33 градус хүйтэн байв. Агаарын температур -30 градусыг давж 1 өдөр хүйтэрсэн, хөрсний температур тодорхой утгыг давж хүйтэрсэн өдөр ажиглагдаагүй.

Тунадас: Энэ арав хоногт Баян-Өндөр суманд 3 удаа, Жаргалант суманд 2 удаа цас оров. Нийлбэр хэмжээ нь Баян-Өндөр суманд  0.6мм дунджийн орчим, Жаргалант суманд 0.0 мм дунджаас бага цас орсон.

Салхи: Нийт нутгаар салхины их хурд 11-12м/с хүрсэн ба 10 м/с-ээс дээш салхитай өдөр Баян-Өндөр суманд 1, Жаргалант суманд 1 өдөр  ажиглагдав.

Агаарын чийг: Үнэмлэхүй чийгийн дундаж 1.1 г/см³, харьцангуй чийгийн дундаж 56%,  дутагдал чийгийн дундаж 0.9гпа, 30%-иас бага чийгтэй  өдөр ажиглагдаагүй.

Цасан бүрхүүл: Баян-Өндөр суманд 18-27см, нягт нь 0,20-0,25г/см³, хунгарлаж шуурсан газартаа 35-50см, хөрийн зузаан 1-10 см зарим газартаа 12 см, мөсөн үе тогтоогүй байна.

Жаргалант суманд дундаж зузаан нь 18-25см, нягт нь 0.18-0.22г/см³, хунгарлаж шуурсан газартаа 32-43 см цас тогтсон, хөрийн зузаан 2-10 см, мөсөн үе тогтоогүй байна.

ХАА-н үйлдвэрлэлд: Бог мал төллөж эхлэж байна. Одоогийн байдлаар мал бэлчээрлэх боломж үгүй болж, цасны хатуурлаас малын туурай, шилбэ зулгарч, өвчлөл үүсэн малчдад хүндрэл учирч, байнгын тэжээлийн ажиллагаанд орсноос өвс, тэжээлийн нөөц хомс байна.  Хүйтэн жиндүү байдал удаан үргэлжилж мал дулаан хэвтэрээр дутагдаж, өвс тэжээлийн дутагдалаас шалтгаалан 514 толгой малын хорогдол гарсан. Цаг агаарын нөхцөл байдлаас шалтгаалан халтиргаа гулгаа үүсч, зузаан цастай, хүйтрэлийн улмаас малын бэлчээрлэлт саатаж өвөлжилт хүндрэх нөхцөл бүрдсэн байна.

Мэдээ бэлтгэсэн инженер Д.Оюунбат

2018.02.21   13:44