2020 оны 2 сарын 2 дугаар арав хоногийн ХААЦУ-ын тойм

Температур: Орхон аймгийн нийт нутгаар агаарын температурын дундаж нь -10…-13 градус хүйтэн, үнэмлэхүй их нь 6 градус дулаан, үнэмлэхүй бага нь -22...-29 градус хүйтэн байв. Агаарын температурыг олон жилийн дундажтай харьцуулан үзэхэд дунджаас Баян-Өндөр, Жаргалант суманд 3 градусаар дулаан байв. Нийт нутгаар хөрсний гадаргын температурын дундаж -12...-15⁰С хүйтэн, үнэмлэхүй их температур нь 6...7⁰С хүйтэн, үнэмлэхүй бага температур нь -27...-32 градус хүйтэн байв. Агаарын температур, хөрсний температур заагийг давж хүйтрээгүй.

Тунадас: Энэ арав хоногт 1-3 өдөр хур тунадастай байсан ба 0,2-0,5мм хэмжээтэй цас орсон. Орсон хур тунадасны хэмжээг олон жилийн дундажтай харьцуулбал дунджаас бага орсон байна.

Салхи: Салхины хурд ихэнх хугацаандаа 4-9м/с, үе үе 10-13м/с хүрч,10 м/с-ээс дээш салхитай 1-3өдөр ажиглагдав.

Агаарын чийг: Үнэмлэхүй чийгийн дундаж 1,6г/см³, харьцангуй чийгийн дундаж 55%,  дутагдал чийгийн дундаж 1,5гпа, 30%-иас бага чийгтэй 1өдөр ажиглагдав.

Цасны зузаан: Нийт нутгаар битүү 8-10 балл цастай, дундаж зузаан 6-15см, нягт нь 0,14-0,20 г/см³ _, хөрийн зузаан 1-3 см байна.

ХАА-н үйлдвэрлэлд: Малд нэмэгдэл тэжээл өгөх ажил зохиогдож байна. Малчид худаг болон харз, цасны усаар малаа усалж байна. Усан хангамж дунд зэрэг. Цаг агаарын нөхцөлөөс шалгаалан  мал бэлчээрлэлт саатаагүй өвөлжилт хэвийн байлаа. Өнгөрсөн жилийн өвөл хаврын бэлчээрийн даац хэтэрч гарсан, бэлчээрийн ургацын хэмжээ бага байх, мал тарга хүч дутуу авах, бэлчээрийн нөөц хүрэлцээ муу улмаар мал өвөлжилт хаваржилт хүндэрч болзошгүй байна.

Мэдээ бэлтгэсэн инженер Д.Оюунбат

2020.02.21  11:12