2021-2022 ОНЫ ӨВӨЛ-ХАВРЫН БЭЛЧЭЭРИЙН ДААЦЫГ ТОДОРХОЙЛСОН ДҮН

Монгол улсын Засгийн газрын 286 дугаар тогтоолын дагуу Ус цаг уур, орчны судалгаа, мэдээллийн хүрээлэнд 2021-2022 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ, бэлчээр ашиглах хугацаа зэрэг мэдээлэл дээр үндэслэн багийн нутгаар тооцоолж гаргав.

Бэлчээрийн даацыг тооцоолж гаргасан дүнгээс үзвэл нийт нутгийн:

42.1 % - 50 хүртэлх хувь (бэлчээрийн нөөцтэй)

24.6 % - 51-100 хувь         (бэлчээр хүрэлцээтэй)

25.0 % - 101-300 хувь       (даац 1-3 дахин хэтэрсэн)

 3.6 % - 301-500 хувь       (даац 3-5 дахин хэтэрсэн)

 4.7 % - 500 хувиас их     (даац олон дахин хэтэрсэн) байна.

Аймгийн дүнгээр авч үзвэл Баян-Өндөр сумын Говил баг олон дахин хэтэрсэн /улаан/, бусад багуудад 1-3 дахин хэтэрч / шар/ , Жаргалант сумын Дулаан-Уул, Жаргалант багийн нутгаар бэлчээрийн даац 3-5 дахин хэтэрсэн /улбар шар/  байгаа тул мал өвөлжих, хаваржих нөхцөл хүндрэхээр байна.

Зуншлагын байдал 2021 оны 8-дугаар сарын 20-ны байдлаар нийт сумдын нутгаар  хэвийн байгаа боловч, малын тоо толгой ихтэй, бэлчээрийн  хүрэлцээ муу байгаа тул  өөр аймаг сумын нутагт отор нүүдэл хийх, нэмэгдэл тэжээл бэлтгэх, малын тоог бууруулах зэргээр мал өвөлжилт, хаваржилтын ажлыг эртнээс анхаарах шаардлагатай байна. Иймд даац хэтэрч гарсан дээрх сум, багуудын нутгаар бэлчээрийн зохицуулалт хийх ажлыг өөрсдийн дотоод нөөц бололцоон дээр тулгуурлан оновчтой, шуурхай зохион байгуулахыг зөвлөж байна.

УС ЦАГ УУР, ОРЧНЫ СУДАЛГАА МЭДЭЭЛЛИЙН ХҮРЭЭЛЭН

ОРХОН АЙМАГ УЦУОШТөв