2024-2025 оны бэлчээрийн даац, багтаамж

Засгийн газрын 286 дугаар тогтоолын дагуу Ус цаг уур, орчны судалгаа, мэдээллийн хүрээлэнд 2024-2025 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ болон бэлчээр ашиглах хугацаа зэрэг мэдээлэлд үндэслэн багийн нутгаар тооцоолов. 

Орхон аймгийн бэлчээрийн даацыг тооцоолж гаргасан дүнгээс үзвэл нийт нутгийн:

8% - Бэлчээрийн нөөцтэй

18% - Бэлчээр хүрэлцээтэй

61% - Даац 1-3 дахин хэтэрсэн

11% - Даац 3-5 дахин хэтэрсэн

2% - Даац олон дахин хэтэрсэн байна.

Өөрөөр хэлбэл өвөл-хаврын бэлчээрийн даац нутгийн 30 орчим хувьд хүрэлцээтэй байхаар, харин 70 гаруй хувьд хэтэрч гарлаа.