Цаг уурын мэдээ > Хөдөө аж ахуйн цаг уурын тойм

2022 оны 9 сарын дунд арав хоногийн ХААЦУ-ын тойм

Шинэчлэгдсэн: 2022-09-28 13:22:08

Температур: Орхон аймгийн нийт нутгаар агаарын температурын арав хоногийн дундаж нь 9-10 градус дулаан буюу олон жилийн дундажтай харьцуулан үзэхэд дунджийн орчим байв. Агаарын температур нь өдөртөө 26…27 градус дулаан, шөнөдөө -3…-4 градус хүйтэн байлаа. Арав хоногийн хөрсний гадаргын температур нь өдөртөө 47-51 градус дулаан, шөнөдөө -4...-5 градус хүйтэн байв. Агаарын температур 30 градусын заагийг давсан өдөр ажиглагдаагүй, хөрсний температур 40 градусыг давж 2-4 өдөр дулаарсан.

Тунадас: Энэ арав хоногт Баян-Өндөр суманд 5 өдөр, Жаргалант сумын нутгаар 5  өдөр хур тунадас орсон ба хэмжээ нь 21,2-25,3мм орсон байна. Орсон тунадасны хэмжээг олон жилийн дундажтай харьцуулбал нийт нутгаар дунджаас ахиу тунадас орсон байлаа.

Салхи: Салхины хурд хурд түр зуур 10-13м/с хүрч салхилсан ба 10 м/с түүнээс их салхитай 3-4 өдөр ажиглагдав.

Агаарын чийг: Усны уурын даралтын дундаж 7,2 г/см3, харьцангуй чийгийн дундаж 66-67%,  дутагдал чийгийн дундаж 4,8-5,3гпа, 30%-иас бага чийгтэй 1 өдөр ажиглагдав.

Бэлчээрийн  ургамлын үе шат, өндөр, ургалтын байдал: : 9 дугаар сарын 20-ны байдлаар ажиглалтын хэсгийн төлөөлөх ургамалуудад хаталт хагдралтын үе шат ажиглагдаж байна. Ургамлын өндөр 4-9см, ургацын хэмжээ 1,8-9,5 ц/га, ургалт хэвийн, гэмтлийн шинж илэрээгүй ургалтын балл сайн байна.

Хөрсний чийгшил:  Баян-Өндөр суманд тодорхойлсон бэлчээрийн талбайн 0-20см гүнд чийг хангамж хангалттай, 0-50см- ийн гүнд хангалттай гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар хашаалаагүй талбайн орчимд  1м2 –д  байгаа царцааны тоо дунджаар 1-4ш тоологдов .

Цаг агаарын нөхцөлийн онцлог: Мал аж ахуйн үйлдвэрлэлд мал оторлох, сааль сүү бэлтгэх,  мал ногоолуулах, газар тариалангийн үйлдвэрлэлд хүнсний ногоо болон үр тариа хураах ажил зохиогдож байна. Малын тарга хүч, усан хангамж сайн. Цаг агаарын нөхцөл байдлаас шалтгаалан хөдөө аж ахуйн үйлдвэрлэл саатаагүй цаг агаарын нөхцөл тааламжтай байлаа. 

Мэдээ бэлтгэсэн инженер Д.Оюунбат

2022.09.21 13:21