2024 оны 6 дугаар сарын дунд арав хоногийн ХААЦУ-ын тойм мэдээ

Температур: Орхон аймгийн нийт нутгаар агаарын температурын арав хоногийн дундаж нь 16…20 градус дулаан буюу олон жилийн дундажтай харьцуулан үзэхэд нийт нутгаар дунджаас 1-2 градусаар дулаан байв. Агаарын температурын хамгийн хүйтэн нь шөнөдөө 6 градус дулаан, хамгийн дулаан нь өдөртөө 28...30 градус дулаан байлаа.  Агаарын температур 30 градусын заагийг давж Жаргалант суманд 2 өдөр,  хөрсний температур 40 градусын заагийг давж 6-8 өдөр дулаарав.

Тунадас: Нийт нутгаар 6 өдөр тунадас орсон ба Баян-Өндөр  суманд 82.1 мм, Жаргалант сумын нутгаар 77.5 мм орлоо. Орсон тунадасыг олон жилийн дундажтай харьцуулахад дунджаас ахиу хэмжээтэй тунадас орсон байна.

Салхи: Салхины хурд хурд түр зуур 12-15 м/с хүрч салхилсан ба 10 м/с түүнээс их салхитай 3-5 өдөр ажиглагдав.

Агаарын чийг: Усны уурын даралтын дундаж 6,2 г/см³, харьцангуй чийгийн дундаж 32-33%,  дутагдал чийгийн дундаж 8,3-10,1 гпа, 30%-иас бага чийгтэй 2 өдөр ажиглагдав.

Бэлчээрийн  ургамлын үе шат, өндөр, ургалтын байдал:  6 дугаар сарын 20-ны байдлаар ажиглалтын хэсгийн төлөөлөх ургамалууд үе шат хугацаандаа ажиглагдаж, ургамлын дундаж өндөр 10-16см,  гэмтлийн шинж илэрээгүй ургалтын балл сайн байна.

Цаг агаарын нөхцөлийн онцлог: Хур тунадас 1-4 дүгээр саруудад дунджаас ахиу орсон нь ургамлын ургалтанд нөөц чийг хангалттай байсан. Энэ арав хоногт агаарын температур олон жилийн дунджаас дулаан, хур тунадас ахиу орсон нь ургамлын ургалтанд сайнаар нөлөөлж байна. Мал аж ахуй болон газар тариалангийн үйлдвэрлэлд уринш хийх, тариа ногоо тарих, хонь ноослох, бод мал төллөх, сааль сүү бэлтгэх ажлууд зохиогдож байна. Цаг агаарын нөхцөл байдал байдал тааламжтай байлаа.

Мэдээ бэлтгэсэн инженер Д.Оюунбат

2024.06.21