2021 оны 6 сарын эхний арав хоногийн ХААЦУ-ын тойм

Температур: Орхон аймгийн нийт нутгаар агаарын температурын дундаж нь 12...16 градус дулаан,  үнэмлэхүй их температур нь 26…29 градус дулаан, үнэмлэхүй бага нь температур нь 0…5 градус дулаан байв. Энэ арав хоногийн агаарын температурыг олон жилийн дундажтай харьцуулан үзэхэд нийт нутгаар олон жилийн дунджийн орчим байв.

 Нийт нутгаар хөрсний гадаргын температурын дундаж 17…24 градус дулаан,  үнэмлэхүй их температур нь 53-55 градус дулаан, үнэмлэхүй бага температур нь 0...3 градус дулаан байв.  Агаарын температур 30 градусын заагийг давсан өдөр ажиглагдаагүй,  хөрсний температур 40 градусын  заагийг давж дулаарсан 6 өдөр ажиглагдав.

Тунадас: Энэ арав хоногт нийт нутгаар 5 өдөр хур тунадас орсон ба хэмжээ нь Баян-Өндөр суманд 25,8 мм байна, Жаргалант суманд 17,1 мм орсон байна.  Орсон тунадасны хэмжээг олон жилийн дундажтай харьцуулбал Баян-Өндөр, Жаргалант суманд дунджаас ахиу хур тунадастай байлаа.

Салхи: Нийт нутгийн хэмжээнд салхины хурд  их хурд үе үе 13-14 м/с хүрсэн ба 10 м/с түүнээс их салхитай  6-7 өдөр ажиглагдсан байна.

Агаарын чийг: Үнэмлэхүй чийгийн дундаж 8,0 г/см³, харьцангуй чийгийн дундаж 46-57%,  дутагдал чийгийн дундаж 7,8-11,7гпа, 30%-иас бага чийгтэй 3-4 өдөр ажиглагдлаа.

Бэлчээрийн ургамал: 4 сарын эхний арав хоногт ургамал цухуйж эхэлсэн. Ургалтын байдал сайн / ургамал жигд сайн ургасан, гандалтын аль нэг шинж илэрээгүй, бүх төрлийн мал тарга тэвээрэг авах бололцоотой/ үнэлгээтэй, ургамлын өндөр 7-8 см байна.

ХАА-н үйлдвэрлэлд: Хонины ноос авах, мал ногоолуулах, сааль сүү бэлтгэх ажил үргэлжилж байна. Газар тариаланд хүнсний ногоо тариалах ажилууд явагдаж эхэлж байна. Малын тарга хүч дунд, усан хангамж сайн зэрэг. Цаг агаарын нөхцөл байдлаас шалтгаалан мал бэлчээрлэлт, зам харилцаа саатаагүй цаг агаарын нөхцөл тааламжтай байлаа. 

Мэдээ бэлтгэсэн инженер Д.Оюунбат

2021.06.11  13:10