2022 оны 5 сарын дунд арав хоногийн ХААЦУ-ын тойм

Температур: Орхон аймгийн нийт нутгаар агаарын температурын арав хоногийн дундаж нь 11-14 градус дулаан буюу олон жилийн дундажтай харьцуулан үзэхэд дунджийн орчим байв. Агаарын температур нь өдөртөө 26…28 градус дулаан, шөнөдөө -5 градус хүйтэн байлаа. Арав хоногийн хөрсний гадаргын температур нь өдөртөө 59...63 градус дулаан, шөнөдөө -6...-7 градус хүйтэн байв. Агаарын температур заагийг давсан өдөр байхгүй, хөрсний температур 40 градусыг давж 8-9 өдөр дулаарсан.

Тунадас: Энэ арав хоногт Баян-Өндөр суманд 2 өдөр, Жаргалант сумын нутгаар 3 өдөр хур тунадас орсон ба хэмжээ нь 0,0мм орсон байна.  Орсон тунадасны хэмжээг олон жилийн дундажтай харьцуулбал Баян-Өндөр, Жаргалант сумдын нутгаар дунджаас бага тунадас орсон байлаа.

Салхи: Салхины хурд хурд түр зуур 10-12м/с хүрч салхилсан ба 10 м/с түүнээс их салхитай 4 өдөр ажиглагдав.

Агаарын чийг: Усны уурын даралтын дундаж 4,4 г/см³, харьцангуй чийгийн дундаж 35%,  дутагдал чийгийн дундаж 10,4гпа, 30%-иас бага чийгтэй 19 өдөр ажиглагдав.

Бэлчээрийн  ургамлын үе шат, өндөр, ургалтын байдал: :   5 дугаар сарын 20-ны байдлаар цухуйлтын үе шат жигдэрсэн. Ургамлын өндөр 4-6см, ургалт хэвийн, гэмтлийн шинж илэрээгүй ургалтын балл сайн байна.

Хөрсний чийгшил:  Баян-Өндөр суманд тодорхойлсон бэлчээрийн талбайн 0-20см гүнд чийг хангамж дунд зэрэг, 0-50см- ийн гүнд хангалттай гэсэн үнэлгээтэй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Цаг агаарын нөхцөлийн онцлог: Мал аж ахуйн үйлдвэрлэлд мал оторло, сааль сүү бэлтгэх, мал ногоолуулах, газар тариалангийн үйлдвэрлэлд хөрс боловсруулах, уринш боловсруулах, үрслэг бэлтгэх ажил зохиогдож байна. Малын тарга хүч, усан хангамж дунд. Цаг агаарын нөхцөл байдлаас шалтгаалан хөдөө аж ахуйн үйлдвэрлэл саатаагүй цаг агаарын нөхцөл тааламжтай байлаа.

Мэдээ бэлтгэсэн инженер Д.Оюунбат

2022.05.23  14:13