2 дугаар сарын сүүлийн арав хоногийн ХААЦУ-ын тойм мэдээ

Температур: Орхон аймгийн нийт нутгаар агаарын температурын арав хоногийн дундаж нь -18…-19 градус хүйтэн буюу олон жилийн дундажтай харьцуулан үзэхэд дунджаас 3-7 градусаар хүйтэн байв. Агаарын температур нь шөнөдөө -29...-37 градус хүйтэн байлаа.  Агаарын температур -30 градусаас доош Жаргалант суманд 6 өдөр хүйтэрсэн / -37градус/,  хөрсний температур -40 градусаас доош хүйтээгүй.

Тунадас: Нийт нутгаар 2 өдөр тунадас орсон ба Баян-Өндөр  суманд 0,3мм дунджаас бага, Жаргалант сумын нутгаар 0,7 мм дунджийн орчим тунадас орсон.

Салхи: Салхины хурд хурд түр зуур 7-9 м/с хүрч салхилсан ба 10 м/с түүнээс их салхитай өдөр ажиглагдаагүй.

Агаарын чийг: Усны уурын даралтын дундаж 0,8 г/см³, харьцангуй чийгийн дундаж 62-69%,  дутагдал чийгийн дундаж 0,2-0,6гпа, 30%-иас бага чийгтэй ажиглагдаагүй.

Цасан бүрхүүл: 29-ны өдрийн хээрийн цасны хэмжилтийн талбайд тодорхойлсон дүнгээр Баян-Өндөр суманд цасны дундаж зузаан 15 см, нягт нь 0,16 г/см³ , Жаргалант суманд дундаж зузаан 17см, нягт нь 0,18 г/см³ байна. Хамгийн зузаан  нь 29-55 см, хөрийн зузаан 1-10 см байв.

Цаг агаарын нөхцөлийн онцлог:. Мал аж ахуйн үйлдвэрлэлд нэмэгдэл тэжээл өгөх, отор нүүдэл хийх ажлууд зохиогдож байна. 22,23-ны өдрүүдэд цас орсон  боловч зам даваа хаагдаагүй. Агаарын температур хүйтэн, цасны зузаан их байгаагаас  байгаагаас шалтгаалан өвөлжилт хүндэрч байна.

Засгийн Газрын 2015 оны 286 дугаар тогтоолоор батлагдсан зудын байдалд үнэлгээ хийх журмын дагуу зудыг үнэлэх шалгуур үзүүлэлтээр үнэлэхэд нийт нутгаар цагаанаар зудархуу нөхцөлтэй байна.

Мэдээ бэлтгэсэн инженер Д.Оюунбат

2024.03.01