2021 оны 4 сарын эхний арав хоногийн ХААЦУ-ын тойм

Температур: Орхон аймгийн нийт нутгаар агаарын температурын дундаж нь 3...4 градус дулаан,  үнэмлэхүй их температур нь 17…19 градус дулаан, үнэмлэхүй бага нь температур нь 6...9 градус хүйтэн байв. Агаарын температурыг олон жилийн дундажтай харьцуулан үзэхэд сумдын нутгаар дунджаас  3…4 градусаар дулаан байв. Нийт нутгаар хөрсний гадаргын температурын дундаж 7…8 градус хүйтэн,  үнэмлэхүй их температур нь 38-44 градус дулаан, үнэмлэхүй бага температур нь 8...10 градус хүйтэн байв.  Агаарын температур 30 градусын заагийг давсан өпөр ажиглагдаагүй,  хөрсний температур 40 градусын  заагийг давж дулаарсан 2 өдөр ажиглагдав.

Тунадас: Энэ арав хоногт Баян-Өндөр суманд 2өдөр цас орсон ба тунадасны хэмжээ нь 1.2 мм, Жаргалант суманд 1 өдөр цас орсон бөгөөд тунадасны хэмжээ нь 0,2 мм хэмжээтэй орсон байна. Орсон хур тунадасны хэмжээг олон жилийн дундажтай харьцуулбал Баян-Өндөр, Жаргалант суманд дунджаас бага хур тунадас орсон байна.

Салхи: Нийт нутгийн хэмжээнд салхины хурд  их хурд үе үе 13-15 м/с хүрсэн ба 10 м/с түүнээс их салхитай  3-5 өдөр ажиглагдсан байна.

Агаарын чийг: Үнэмлэхүй чийгийн дундаж 2,9 г/см³, харьцангуй чийгийн дундаж 42%,  дутагдал чийгийн дундаж 5,1гпа, 30%-иас бага чийгтэй 2 өдөр ажиглагдлаа.

Бэлчээрийн ургамал: 4 сарын эхний арав хоногт ургамал цухуйж эхэлсэн. Ургалтын байдал муу үнэлгээтэй, ургамлын өндөр 0-1 см байна.

ХАА-н үйлдвэрлэлд: Мал төллүүлэх, малд нэмэгдэл тэжээл өгөх ажил үргэлжилж байна. Малын тарга хүч, усан хангамж дунд зэрэг. Цаг агаарын нөхцөл байдлаас шалтгаалан мал бэлчээрлэлт, зам харилцаа саатаагүй цаг агаарын нөхцөл тааламжтай байлаа. 

Мэдээ бэлтгэсэн инженер Д.Оюунбат

2021.04.11  10:53