2021 оны 8 сарын сүүлийн арав хоногийн ХААЦУ-ын тойм

Температур: Орхон аймгийн нийт нутгаар агаарын температурын арав хоногийн дундаж нь 12...14 градус дулаан буюу олон жилийн дундажтай харьцуулан үзэхэд дунджийн орчим байв. Агаарын температур нь өдөртөө 24…26 градус дулаан, шөнөдөө 3...4 градус дулаан байлаа. Арав хоногийн хөрсний гадаргын температур нь өдөртөө 53...56 градус, шөнөдөө 2...4 градус дулаан байв.  Агаарын температур 30 градусын заагийг давсан өдөр ажиглагдаагүй,  хөрсний температур 40 градусын  заагийг давж дулаарсан 3 өдөр ажиглагдав.

Тунадас: Энэ арав хоногт нийт нутгаар 6 өдөр хур тунадас орсон ба хэмжээ нь Баян-Өндөр суманд 79.0 мм байна, Жаргалант суманд 78,0 мм орсон байна.  Орсон тунадасны хэмжээг олон жилийн дундажтай харьцуулбал нийт нутгаар  дунджаас ахиу хур тунадастай байлаа.

Салхи: Салхины хурд хурд түр зуур 11-12 м/с хүрсэн ба 10 м/с түүнээс их салхитай  3-6 өдөр ажиглагдсан байна.

Агаарын чийг: Усны уурын даралтын дундаж 4,8-6,9 г/см³, харьцангуй чийгийн дундаж 62-71%,  дутагдал чийгийн дундаж 4,8гпа, 30%-иас бага чийгтэй  өдөр ажиглагдаагүй.

Бэлчээрийн ургамал: 4 сарын эхний арав хоногт ургамал цухуйж эхэлсэн. 8 дугаар сарын 30-ны байдлаар ургалтын байдал хэвийн  / ургамал жигд сайн ургасан, гандалтын аль нэг шинж илэрээгүй, бүх төрлийн мал тарга тэвээрэг авах бололцоотой/ үнэлгээтэй, ургамлын өндөр 18-31 см байна.

Цаг агаарын нөхцөлийн онцлог: Мал ногоолуулах, сааль сүү бэлтгэх, отор нүүдэл хийх ажил үргэлжилж байна. Газар тариаланд хүнсний ногоо хураах бусад ажилууд явагдаж байна. Малын тарга хүч сайн, усан хангамж сайн. Цаг агаарын нөхцөл байдлаас шалтгаалан мал аж ахуй, газар тариалангийн ажил, зам харилцаа саатаагүй цаг агаарын нөхцөл байдал тааламжтай байлаа.

Мэдээ бэлтгэсэн инженер Д.Оюунбат

2021.09.01  15:59