2022 оны 11 сарын дунд арав хоногийн ХААЦУ-ын тойм

Температур: Орхон аймгийн нийт нутгаар агаарын температурын арав хоногийн дундаж нь -6…-7 градус хүйтэн буюу олон жилийн дундажтай харьцуулан үзэхэд дунджаас 3-5 градусаар дулаан байв. Агаарын температур нь өдөртөө 7…8 градус дулаан, шөнөдөө -18…-23 градус хүйтэн байлаа. Арав хоногийн хөрсний гадаргын температур нь өдөртөө 12…16 градус дулаан, шөнөдөө -22…-24 градус хүйтэн байв. Агаар, хөрсний температур заагийг давсан өдөр ажиглагдаагүй.

Тунадас: Энэ арав хоногт Баян-Өндөр суманд 2 өдөр, Жаргалант сумын нутгаар 2  өдөр хур тунадас орсон ба хэмжээ нь 0.8-1.9мм орсон байна. Орсон тунадасны хэмжээг олон жилийн дундажтай харьцуулбал Баян-Өндөр суманд дунджийн орчим, Жаргалант суманд дунджаас бага тунадас орсон байлаа.

Салхи: Салхины хурд хурд түр зуур 10-14 м/с хүрч салхилсан ба 10 м/с түүнээс их салхитай 1 өдөр ажиглагдав.

Агаарын чийг: Усны уурын даралтын дундаж 3,6 г/см³, харьцангуй чийгийн дундаж 58-71%,  дутагдал чийгийн дундаж 1,7-2,1гпа, 30%-иас бага чийгтэй 1 өдөр ажиглагдав.

Цасан бүрхүүл:  11,18-ны өдрүүдэд цас орсон ба 20-ны өдөр хээрийн хэмжилтээр тодорхойлсон дүнгээр цасны бүрхэц 8-10 балл, цасны зузаан 0-10 см, нягт нь тодоройлох хэмжээнд хүрээгүй байна.

Цаг агаарын нөхцөлийн онцлог: Мал аж ахуйн үйлдвэрлэлд мал оторлох,   хадлан тэжээл, хужир шүү бэлтгэх ажил зохиогдож байна. Малын тарга хүч, усан хангамж сайн. Цаг агаарын нөхцөл байдлаас шалтгаалан хөдөө аж ахуйн үйлдвэрлэл саатаагүй цаг агаарын нөхцөл тааламжтай байлаа. 

Мэдээ бэлтгэсэн инженер Д.Оюунбат

2022.11. 21  11:51