2023 оны зуншлагын тойм мэдээ

Цаг агаарын нөхцөл: Нийт нутгаар агаарын температурын 5 дугаар сарын дундаж нь 11-13 градус дулаан, 6 дугаар сарын дундаж нь 15,6 градус дулаан, 7 дугаар сард 16,8 градус,8 сард 16,0 байлаа. Агаарын дундаж температурыг олон жилийн дундажтай харьцуулбал 5-8 дугаар сардуудад дунджийн орчим дулаан байлаа.

5 дугаар сард нийт нутгаар 28,7-60,5 мм, 6 дугаар сард 58,9мм,7дугаар сард 89,9-114,8мм, 8 сард 122,4-146,0мм хур тунадас орсон. Орсон тунадасыг олон жилийн дундажтай харьцуулбал  5-8 дугаар саруудад дунджаас ахиу тунадас орсон байна.

Бэлчээрийн ургамлын ургалт 4 дугаар сарын 30-ны байдлаар муу үнэлгээтэй байсан бол 5 сарын дунд арав хоногоос ургалтын байдал сайжирч хэвийн үнэлгээтэй болсон байна.

 Бэлчээрийн ургамлын ургалтын байдал, балл

Бэлчээрийн ургамлын цухуйлтын үе шат ажиглагдсан өдрөөс эхлэн хаталт хагдралтын үе шатыг дуустал ургамлын өндрийг хэмжсэн ба 8 дугаар сард өндөр ургацын хэмжээ хамгийн их түвшинд хүрч 9 дүгээр сараас буурсан байна.

2023-2024 оны  өвөл-хаврын бэлчээрийн даац нутгийн 30 орчим хувьд мал өвөлжилт, хаваржилт хэвийн  байхаар, харин 70 гаруй хувьд  бэлчээрийн даац 3-5 дахин буюу олон дахин хэтэрч гарсан байна. Сумдын дүнгээр авч үзвэл Баян-Өндөр сумын нутаг бэлчээрийн даац олон дахин хэтэрч (13.2%), Жаргалант сумын ихэнх нутгаар  3-5 дахин хэтэрч (60.9%) гарсан байна.

Энэ жил хур бороо элбэг, зуншлага сайн байсан зарим нутгаар даац хэтэрч гарсанд малын тоо их, бэлчээрийн талбай байхгүй, шарилж, нэг наст хөл газрын ургамал голдуу ургамал ургасан байгаа нь нөлөөлж байна.

5-8 сарын байдлыг Засгийн газрын 286 дугаар тогтоолын 5 дугаар хавсралтын “ГАН, ЗУДЫН БАЙДАЛД ҮНЭЛГЭЭ ХИЙХ ЖУРАМ” –ын дагуу гангийн байдлыг үнэлэхэд  нийт нутгаар хэвийн зуншлагатай байна.

Мэдээ бэлтгэсэн инженер Д.Оюунбат