Орхон аймгийн 2020 оны 01 сарын агаарын чанарын тойм мэдээ

Орхон аймгийн 2020 оны 01 дүгээр сарын агаарын чанарын төлөв байдал

Эрдэнэт хотын агаарын бохирдол: Орхон аймаг нь агаарын чанарын хяналтын үндсэн 2 харуултай бөгөөд хотын төв болон гэр хороололд байрлаж байна.  Өглөө 08, 14 , 20 цагт Хүхэрлэг хий, Азотын давхар исэл Нүүрстөрөгчийн дутуу исэл гэсэн үзүүлэлтүүдийг хэмжиж шинжилгээний үр дүнг өдөр бүр ард иргэдэд мэдээлж байна.  Хотын төв орчмыг агаарын чанарын нэгдүгээр харуул, гэр хороолол орчмыг агаарын чанарын хоёрдугаар харуул гэж нэрлэдэг.

1. Азотын давхар ислийн сарын дундаж агууламж Хотын төв орчимд 0.097мг/м³, гэр хороолол орчимд 0.053мг/м³хамгийн их агууламж хотын төв орчим 0.187мг/м³байсан ба стандартаас даваагүй байна. Өмнөх оны мөн үеийн дундаж агууламжтай харьцуулан үзэхэд Хотын төв орчим 0.011 мг/м3-ээр  буюу 10%-иар бага , Гэр хороолол орчим 0.034 мг/м3-ээр буюу 39%-иар бага байна.

2. Хүхэрлэг хийн сарын дундаж агууламж Хотын төв орчимд 0.020мг/м³, гэр хороолол орчимд 0.026мг/м³, хамгийн их агууламж гэр хороолол орчим 0.100 мг/м³байсан ба стандартаас даваагүй байна. Өмнөх оны мөн үеийн дундаж агууламжтай харьцуулан үзэхэд Хотын төв орчим ойролцоо түвшинд, Гэр хороолол орчим 0.010 мг/м3-ээр буюу 62%-иар их байна.

Мэдээ бэлтгэсэн инженер: Г.Жаргалсайхан