Орхон аймгийн 2020 оны 09 сарын агаарын чанарын төлөв байдал

Орхон аймгийн агаарын чанарын төлөв байдал

2020 оны 9 дүгээр сар

Орхон аймгийн Хотын төв, гэр хороолол орчимд агаар бохирдуулах бодис болох хүхэрлэг хий (SO₂), азотын давхар исэл (NO₂), PM10 тоосонцрыг тодорхойлох агаарын чанарын хяналт шинжилгээний 2 харуул ажилладаг.

Орхон аймгийн агаарын чанарын хяналтын цэгүүдэд хийсэн 2020 оны 9 дүгээр сарын хяналт шинжилгээний дүнгээр хүхэрлэг хийн дундаж агууламж 4 мкг/м3 хүрч Агаарын чанарын MNS4585:2007 стандарт дахь хүлцэх агууламжаас хэтрээгүй байна. Харин 2019 онтой харьцуулахад  0,004 мг/м3-аар буюу  0,32%-иар бага байна.

Азотын давхар ислийн хяналт шинжилгээний дүнгээр дундаж агууламж 42 мкг/м3 хүрч Агаарын чанарын MNS4585:2007 стандарт дахь хүлцэх агууламжаас  хэтрээгүй байна. Харин 2019 оны 9 дүгээр сарын дундаж агууламжтай харьцуулахад 0,004 мг/м3-ээр их байна.

Хотын орчмын РМ10 тоосонцорын хяналт шинжилгээний дүнгээр дундаж агууламж 54 мкг/м3 байсан ба Агаарын чанарын MNS4585:2007 стандарт дахь хүлцэх агууламжаас 2 удаа буюу 1,3 дахин давсан байна.

* ↓бага;↑их;↔ойролцоо түвшинд /±5%/.`

Орхон аймгийн агаар дахь бохирдуулах бодисын агууламжыг сүүлийн 4 жилээр харуулав.

Агаар дахь РМ10 тоосонцорыг Агаарын чанарын MNS4585:2007 стандартад харьцуулахад ХА-аас 2 удаа буюу 1,3 дахин давсан байна. Хугацааны хамгийн их нь 9 дүгээр сарын 18 нд 0,137 мг/м³ , 19-нд 0,115 мг/м³  байсан байна.

Агаар дахь хүхэрлэг хийн 2020 оны 9 сарын дундаж агууламжийг өмнөх оны мөн үетэй харьцуулахад 0,32%-иар бага байна. Агаарын чанарын MNS4585:2007 стандартад харьцуулахад ХА-аас хэтрээгүй байна.

Агаар дахь азотын давхар ислийн дундаж агууламжийг өмнөх оны мөн үетэй харьцуулахад 0,004 мг/м3-ээр их байна. Агаарын чанарын MNS4585:2007 стандартад харьцуулахад ХА-аас хэтрээгүй байна.